zat-ı Hak'ta mahrem-i irfan olan anlar bizi,
ilm-i sırda bahri bipayan olan anlar bizi.
bu fenâ gülzârına bülbül olanlar anlamaz,
vech-i bâkî hüsnüne hayrân olan anlar bizi.
dünye vü ukbâyı ta’mir eylemekten geçmişiz,
her taraftan yıkılıp viran olan anlar bizi.
biz şol abdalız, bıraktık eynimizden şalımız,
varlığından soyunup üryan olan anlar bizi.
kahr u lutfu şey-i vâhid bilmeyen çekti azab,
ol azabdan kurtulup sultân olan anlar bizi.
zâhidâ ayık dururken anlamazsın sen bizi,
cür’a-i sâfî içüp mestân olan anlar bizi.
Arifin herbir sözünü duymaya insan gerek
bu cihânda sanma ki hayvân olan anlar bizi.
ey Niyâzî katremiz deryaya saldık biz bugün,
katre nice anlasın ummân olan anlar bizi.
halkı koyup lâmekân ilinde menzil tutalı,
Mısriyâ şol canlara canân olan anlar bizi.
Hiç yorum yok:
Yorum Gönder